O lucense Fernando Díaz-Castroverde daralle saída ás actividades este xoves 3 de abril
02 abr 2025 . Actualizado a las 17:24 h.Do 3 ao 30 de abril • «Un programa completo que nos permitirá neste comezo de primavera somerxernos no mundo do libro e da lectura». Así é como definen dende o instituto Maximino Romero de Lema de Baio o que teñen preparado para este mes de abril, a sétima edición do seu Mes do Libro, e que incluirá encontros con escritores e escritoras, talleres, presentacións e mesmo un roteiro literario. O encargado de abrir as citas, este xoves 3 de abril, será o lucense Fernando Díaz-Castroverde. Impartirá ás 10.45 horas un obradoiro de escritura para alumnos de segundo da ESO.
Montse Fajardo será a convidada do vindeiro luns, e neste caso departirá con integrantes do Club de Lectura de Adultos, compartindo reflexións sobre a súa obra Rotas: as mulleres que o franquismo agochou en Compostela. Xa o mércores, estudantes de terceiro da ESO participarán dun roteiro librero por Vila de Cruces, Tras dos pasos do neno labrego (Neira Vilas).
Javier Becerra, xornalista de La Voz especializado en música, achegarase a Baio o 10 de abril co su libro Isto é rock e, xa para despois do descanso escolar de Semana Santa, quedarán aínda Óscar Reboiras (martes 22), Icía e Xosé Manuel Varela (luns 28, en torno ao seu libro Cantareiras), e Raquel Fernández (mércores 30 de abril). Por diante, moito que aprender.