Thomas Borges e Olivia Martínez foron os gañadores do concurso
04 dic 2025 . Actualizado á 17:38 h.Thomas Borges, do colexio Galaxia, foi o gañador do concurso de carteis do Nadal organizado polo Concello de Ribeira, mentres que o debuxo de Olivia Martínez Pego, do CEIP Palmeira, converteuse no finalista na categoría de postais. Máis de 500 escolares dos centros educativos do municipio, ademais de usuarios da asociación Ambar, participaron no certame que decide o deseño que terá a papelería municipal este Nadal.
A alcaldesa de Ribeira, María Sampedro, e a concelleira de Cultura, Ana Barreiro, foron as encargadas de entregar aos gañadores os cheques de 150 euros para poder gastar en vales de compra para a adquisición de libros e material escolar.