A Confederación Española de Policía solicita 16 axentes máis para a comisaría ribeirense
RIBEIRA
Segundo explica José Javier Martínez Rodríguez, secretario do sindicato, a agresión con arma branca no centro do municipio «dános novamente a razón, non son feitos illados»
11 jul 2025 . Actualizado á 16:00 h.O sindicato Confederación Española de Policía (CEP) solicita un incremento do persoal da comisaría de Ribeira. Considera que o catálogo de postos de traballo debe de aumentar en 16 axentes e faio a raíz do apuñalamento a plena luz do día que se viviu na localidade preto das 11.30 do xoves. Neste suceso, un mozo resultou ferido ao recibir unha puñalada nunha nádega cunha navalla por parte doutro individuo implicado no altercado, que foi detido pola Policía Nacional.
Segundo explica José Javier Martínez Rodríguez, secretario do sindicato, a agresión con arma branca no centro do municipio «dános novamente a razón, non son feitos illados». O portavoz refire que «cada vez hai rifas máis violentas, nas que se empregan armas, polo que é necesario un reforzo para a comisaría de Ribeira».
Desde a CEP consideran oportuna a incorporación de 16 axentes adicionais co obxectivo de integralos nos servizos de seguridade cidadá e de Policía Xudicial.
Distintos medios
Así mesmo, o portavoz sindical sinala a Interior para indicar que «é necesaria unha actualización dos persoais nas comisarías galegas tanto en medios humanos como materiais.
Martínez Rodríguez apunta que «os recentes feitos violentos acaecidos en Ribeira, Lugo, Ferrol e Pontevedra» danlles a razón e reclama cubrir as necesidades da Policía Nacional para que os axentes poden realizar a súa función con efectividade.