O PP sinala que a falta de previsión do goberno de Ribeira pon en risco a celebración das festas de verán

O PP de Ribeira hase pronunciado sobre o feito de que o Concello careza aínda de permiso para situar as atraccións de feira no emprazamento habitual. O portavoz, María Sampedro, asegura que «demostra unha vez máis a súa desfachatez, falta de previsión e incapacidade para xestionar en tempo e forma a colocación das atraccións para as festas do verán, poñendo en serio risco a súa celebración».

Recalca que os responsables locais dispoñen cunha circular de Portos de Galicia desde o mes de xaneiro advertindo sobre os prazos e o modo de realización de solicitudes para a concesión temporal dos espazos. Asegura que desde «o executivo local sitúanse a tres semanas do inicio da montaxe das festas sen ter todavía presentado un proxecto que conteña as garantías técnicas e de seguridade exixidas. Quen ten que demostrar se quere festas ou non é o goberno de Ribeira pero unha vez máis mostra a inacción e pasotismo».

Desde as filas populares  aseguran que o executivo traballa sen previsión e apuntan que «se tanto interés tiñan en buscar unha solución para a colocación das festas demostrárono ben pouco». Finalmente, recalcan que «pedimos encarecidamente ao goberno municipal que se sente de maneira inminente cos redactores do proxecto e presente un documento que conte con todos os requisitos técnicos que respondan ao último requerimento, que deixen de lado a constante confrontación na que están somerxidos contra a Xunta de Galicia, Administración que está demostrando buscar unha solución pese a estar a solicitude fora dos prazos establecidos».

---

---

---