O naseiro Primitivo Pedrosa, elixido candidato do BNG de Carnota aos comicios municipais do 2027
CARNOTA
Patrón da embarcación María Rosa, representa aos armadores da pesca de baixura na confraría de Muros
28 may 2025 . Actualizado á 22:45 h.A asemblea local do BNG de Carnota acaba de dar o pistoletazo de saída á carreira electoral para os comicios municipais do 2027 elixindo por unanimidade a Primitivo Pedrosa como cabeza de cartel. O designado é un coñecido naseiro, socio da confraría de Muros, na que representa aos armadores da pesca de baixura. Dedicado boa parte do ano a campaña do polbo a bordo do pesqueiro María Rosa, ten sobrada experiencia no mundo do mar. De feito, é membro da comisión de pesca do BNG e formou parte nas distintas candidaturas da formación. Dende o BNG destacan o seu labor incansable «a prol dos intereses dos traballadores do sector pesqueiro en distintas instancias». Indican que participou en foros no Parlamento Europeo e na comisión europea.
Primitivo Pedrosa xa formou parte da candidatura ás eleccións municipais no 2023. Os compañeiros de formación política poñen de manifesto a capacidade de Pedrosa para buscar solucións. Apuntan que a militancia considera que «é o mellor candidato posible para enfrontar os grandes retos que ten por diante o noso Concello, que se atopa nunha preocupante situación de parálise por falta de ideas».