Súmanse aos tres arrestados a semana pasada nunha vivenda da rúa Estremo
22 novs 2023 . Actualizado ás 10:19 h.A Guardía Civil detivo a dous homes máis vinculados coa onda de roubos en establecementos hostaleiros ocorridos na Pobra entre os meses de setembro e novembro. O venres pasado os axentes do instituto armado arrestaban a outros tres homes por estes mesmos feitos e procedía a rexistrar unha vivenda situada na rúa Estremo na que residían e na que se acharon varios dos obxectos subtraídos.
En total impútaselle a autoría de 25 delitos de roubo con forza cometidos nunha casa habitada, restaurantes, bares, vehículos e unha embarcación de pesca pobrenses. A contía do subtraído ascende a uns 9.000 euros, incluíndo diñeiro en efectivo, bebidas alcohólicas e outros efectos de seguridade marítima da embarcación. Parte destes materiais puideron recuperarse durante o rexistro da vivenda.
Os dous últimos detidos, que do mesmo xeito que os outros tres contan con antecedentes, foron postos a disposición do Xulgado de Instrución de Garda de Ribeira. Desde a Garda Civil anuncian que seguirán traballando para garantir a seguridade na zona.