Costado, Natural e Maniotas, a por todas no Campionato de España por Clubs de taekuondo

A localidade alacantina dA Nucía acolle o Campeoanto de España por Clubs de taekuondo aproveitando a ponte festiva. Ata alí desprazaranse as entidades barbancesas para, un ano máis, demostrar o potencial desta disciplina na comarca. O Custado Taekwondo Boiro acudirá cunha ampla representación de deportistas coa intención de consolidarse como un dos clubs de referencia no ámbito nacional.

O equipo boirense competirá en todas as categorías, desde cadete ata máster, evidenciando, afirma, o seu compromiso coa formación continua: «A cita preséntase como unha oportunidade formidable para reforzar a unión do grupo, onde cada combate será o resultado do esforzo colectivo de deportistas, corpo técnico e familias».

Pola súa banda, o Natural Sport regresa ao escenario no que o 2024 volveu proclamarse campión nacional por clubs oito anos despois do seu anterior triunfo. O conxunto barbancés acudirá con medio centenar de deportistas, sabendo que será difícil revalidar o triunfo xa que «hai moito nivel». Iso si, non van renunciar a nada e intentarán meterse unha vez máis entre os mellores de España.

NA Nucía tamén estará o Maniotas con representantes en todas as categorías e, como sempre, buscará «estar no máis alto do podio». Un obxectivo moi ambicioso tendo en conta «ou altísimo nivel de participación», o que provocou que a competición se tivese que dividir en varios días para acoller a todos os deportistas.

---

---

---