O auditorio municipal acollerá o musical o 11 de xaneiro
24 nov 2025 . Actualizado á 18:01 h.Ribeira amplía a súa oferta cultural coAs guerreiras K-Pop, un musical que combina a enerxía dun concerto coa narrativa do teatro musical. O espectáculo, protagonizado por seis artistas, representarase no auditorio municipal o 11 de xaneiro ás 18.00 horas, cunha posta en escena inspirada no universo K-Pop.
A obra propón unha viaxe visual e sonora con música en directo, coreografías, proxeccións e efectos de luz. A historia sitúa ao público nun futuro onde a música está prohibida e seis mozos descobren no K-Pop unha vía para desafiar ao sistema e liderar unha revolución escénica.
A concelleira de Cultura, Ana Barreiro, destacou que o novo auditorio aspira a ser un referente comarcal e subliñou a colaboración coa produtora local Aquelarre e a dirección de Pedro Llaudes, actor dO Rei León.
As entradas estarán dispoñibles desde o mércores 26 de novembro, a partir das 09.00 horas, en ataquilla.com e de forma presencial na oficina de atención cidadá, en horario de 09.00 a 14.00 horas. O prezo é de 23 euros, máis gastos de xestión.