O sinistro rexistrouse á altura do supermercado Eroski
25 oct 2025 . Actualizado á 19:35 h.Un automóbil e unha motocicleta víronse implicados nun accidente que se rexistrou esta tarde, sobre as sete, no paseo de Vos Areos da Pobra, á altura do supermercado Eroski. Como consecuencia da colisión entre ambos os vehículos, o motorista caeu ao chan e resultou ferido, aínda que en principio o seu estado non revestía gravidade.
Ata a zona desprazouse unha ambulancia do 061, cuxo persoal prestou as primeiras asistencias ao lesionado e, con axuda dos bombeiros do parque de Ribeira, inmobilizou ao ferido para metelo no vehículo sanitario que a continuación o trasladou ao hospital de Barbanza. No operativo tamén se contou coa participación dos axentes da Policía Local da Pobra.