A compaña promocionará os produtos da súa gama Ibercook Food Service
30 sep 2025 . Actualizado á 16:55 h.Do 7 ao 9 de outubro Vigo acollerá unha nova edición da feira internacional Conxemar e alí estará un ano máis Congalsa, a compaña líder na elaboración de produtos do mar conxelados con sede na Pobra. Farao apostando polo sabor cunha nova campaña: Congalsa, o sabor que (co)manda.
Explican fontes da compaña que o concepto do lema da campaña conecta o mundo gastronómico, no que o sabor é a medida do éxito, coa comanda, que na cociña é a orde que marca o ritmo e pon en marcha a todo o equipo. «O sabor que impulsa o noso crecemento é o mesmo que nos lembra por que facemos o que facemos. En Congalsa, o sabor non só importa: (co)manda. Marca o ritmo, o rumbo e o sentido da nosa compaña e dos nosos produtos», subliña José Ramón Núñez, director comercial de Congalsa.
Esta será a base sobre a que pivotará a presenza da compaña na súa caseta en Ifevi (Hall 3-Caseta 3D02), onde promocionará a calidade e versatilidade dos produtos da súa gama Ibercook Food Service.
Produtos seleccionados
Neste sentido, Congalsa non presentará novos lanzamentos en Conxemar este ano, senón que poderán o foco nos produtos seleccionados de Ibercook Food Service, como o frito mixto, a argola á andaluza, a espetada de lura e lagostino, o ganchito panko con allo e perexil, a burguer de abadexo ou a empanadilla de carne, entre outros.
Ademais, coa súa presenza en Vigo a compaña seguirá potenciando para exportación referencias como as mini samosas de pito ao curri e os pasteis de bacallau, reforzando a súa presenza en mercados internacionais. «En Congalsa queremos que os nosos clientes recoñezan que detrás de cada produto hai calidade, innovación e compromiso coa contorna, e esta campaña reflícteo perfectamente», conclúe José Ramón Núñez.