Emerxencias de Vilagarcía rescata a seis adolescentes á deriva nun barco a pedais

Seis adolescentes foron socorridas onte tarde por unha embarcación de Emerxencias de Vilagarcía tras quedar á deriva nun barco a pedais nas inmediacións do peirao comercial da capital arousá ante a forza do vento.

Os propios mozos foron as que deron a voz de alarma, solicitando axuda cunha chamada ao 112. Emerxencias dirixiunas cara ao porto de pasaxeiros, desde onde regresaron á praia Compostela, o seu punto de saída, coa axuda da Policía Local. Desde Emerxencias informan de que as rescatadas non levaban chaleco salvavidas, e alertan do perigo de navegar sen el.

---

---

---