Será a partir das seis e media da tarde con saída desde a praza do Concello
02 may 2025 . Actualizado á 16:43 h.As camas rodantes volverán irromper nas estradas de Meaño este domingo. Será a propósito da Carreira de Camas que se organiza dentro das festas da Inmaculada Concepción, recuperando así unha proba que deixara de celebrarse durante anos despois de acadar unha importante notoriedade.
A saída está prevista ás 18.30 horas desde a praza do Concello e, a partir de aí, o espectáculo está servido grazas ás escuadras con sabas e pilotos en pixama que secundan esta curiosa convocatoria. É o prato forte dun domingo que arrincará cunha salva de bombas e terá un pasacalles e concerto a cargo da Banda Unión Musical de Meaño e a Agrupación Folclórica Penaguda. Ao mediodía celebraranse os actos litúrxicos e pola tarde, tras a carreira de camas, chegará a hora de bailar con Marbella e Paco Vulkano.