Numerosos veciños acudiron á presentación de «Relacións Perigosas»
23 nov 2025 . Actualizado á 05:00 h.A Illa é o lugar no que está ambientado Relacións perigosas, a primeira novela da escritora Espe Villanueva, natural do Carballiño. Por iso este municipio arousán acolleu onte a presentación desta publicación. Un acto que contou coa presenza da autora e que espertou unha grande expectación entre os veciños, pois o salón de plenos encheuse de fans da autora.
A obra conta a historia de tres mozos da Illa —Mia, Noa e Leila— con distintos problemas persoais e familiares. Unha delas mantén unha relación co seu profesor, outra sofre anorexia, e as tres apóianse mutuamente fronte ás dificultades. Segundo a autora, este é un relato de «romance e mafia», dirixido a maiores de 18 anos polos temas que aborda. Os personaxes están inspirados nas súas amigas.