O auditorio será esta tarde o escenario da reunión informativa
20 dic 2023 . Actualizado á 20:39 h.O auditorio de Vilagarcía acoge esta tarde, a partir das 19.30, unha reunión informativa sobre a implantación do colector marrón. Unha implantación que será inminente dun colector que está destinada a recoller a parte orgánica do lixo para a súa posterior xestión no proceso de compostaxe.
Serán técnicos de Sogama os responsables de impartir a actividade. Unha charla que se celebrará en todos os concellos da área de influencia da planta de Baión. Ravella, que colabora coa iniciativa, anima á cidadanía para acudir á cita, especialmente a quen resida na contorna urbana, que é onde se implantará o colector marrón.
O novo sistema
«Na charla informarase sobre as implicacións do novo sistema de recollida da materia orgánica do lixo en canto á selección dos residuos no fogar, especificando o que debe e non debe depositarse no colector marrón, e explicando o tratamento que recibirán estes residuos na planta de compostaxe xestionada por Sogama para transformalos nun abono natural que se utilizará posteriormente nos sectores da agricultura e da xardinería», explica o Concello.