Xove tramita a desafectación doutras sete antigas vivendas de mestres para destinalas a alugueiro social
XOVE
O Concello busca darlle un novo uso a estes inmobles que serán ben patrimonial
24 jun 2025 . Actualizado á 05:00 h.O Concello de Xove busca darlle un novo uso a sete vivendas que no seu día se destinaron a fogar de mestres. O Concello tramita a desafectación destes bienes, os sete situados na rúa Agramonte.
Nun pleno celebrado hai uns días foi acordada de forma inicial a desafectación dos bienes inmobles de titularidade municipal cambiando a súa cualificación de ben de dominio público a ben patrimonial.
Trátase de tres vivendas distribuídas en plantas diferentes e localizadas no inmoble número 17 da referida rúa e outras tres do inmoble con número 19 na mesma rúa, unha na segunda planta e dúas na cuarta. O acordo someterase a exposición pública durante un mes e poderá ser examinado o expediente nas dependencias municipais.
O alcalde xovense, Demetrio Salgueiro, adiantou que tras pedir a desafectación á Consellería de Educación continúan coa tramitación co obxectivo de dedicar as sete vivendas a alugueiro social. Recoñece que haberá que facer obras e acondicionalas, pero a intención é destinalas a ese fin.
Non serán as primeiras no municipio xa que polo menos en 2012 o Concello informaba que destinara oito pisos do edificio dos mestres para arrendo con renda social.