Faleceu en Viveiro José Aurelio Veiga Vázquez, coñecido ex promotor inmobiliario

José Aurelio Veiga Vázquez, coñecido empresario de Viveiro, quen foi hai décadas un dos máis activos promotores inmobiliarios, faleceu este xoves. Tiña 83 anos de idade. A condución do cadáver e o funeral terán lugar este venres ás cinco e media da tarde, con saída do Tanatorio de Viveiro ata o cemiterio e a igrexa parroquial de San Xoán de Covas.

A capela ardente atópase instalada no Tanatorio Alianza de Viveiro. José Aurelio Veiga Vázquez era unha persoa moi coñecida na cidade do Landro e a súa contorna e apreciada do mesmo xeito que a súa familia. Tras deixar a súa actividade na construción seguiu coa actividade empresarial que xa tiña antes, a cargo dun taller de pneumáticos Michelín, na zona de Xunqueira. A familia agradece as mostras de pesar recibidas. 

---

---

---