O suceso tivo lugar na Avenida de Galicia ao redor das sete da tarde
31 ene 2025 . Actualizado á 12:15 h.Un home resultou ferido este xoves ao ser acadado por un vehículo no centro de Ribadeo. O suceso ocorreu ao redor das sete da tarde. Segundo datos achegados desde o Centro Integrado de Atención ás Emerxencias (CIAE) 112 Galicia, o accidente tivo lugar nun paso de peóns situado na Avenida de Galicia. O home foi auxiliado nunha ambulancia que se desprazou ao lugar, aínda que finalmente rexeitou ser trasladado a un centro sanitario posto que se atopaba ben. Ao parecer, o coche estaba practicamente parado cando impactou co peón. Interviñeron tamén a Policía Local e a Garda Civil.