A Garda Civil constatou 4 delitos, detivo a unha persoa e auxiliou a cincuenta nAs San Lucas de Mondoñedo: este ano, sen casos de roubo de carteiras
MONDOÑEDO
Os axentes rexistraron cinco infraccións da lei de benestar animal
25 oct 2025 . Actualizado á 00:56 h.A Garda Civil constatou catro delitos no marco das festas dAs San Lucas de Mondoñedo. Segundo relata nunha nota enviada aos medio, certificou desordes públicas, resistencia e desobediencia, ademais de contra a seguridade viaria. Un deles provocou a detención dunha persoa como suposta autora de desordes públicas, resistencia e desobediencia. Durante os festexos mindonienses, a Benemérita levou a cabo unha decena de dispositivos policiais durante os que auxiliou a 50 asistentes. Tamén identificou a máis dun centenar de persoas, das cales ao redor dunha vintena rexistraban un comportamento «inusual», «comprobando os investigadores que constaban antecedentes por delitos contra o patrimonio».
Ademais, os gardas realizaron oito aprehensións de obxectos perigosas para a orde pública, así como incautacións de substancias estupefacientes, realizando as correspondentes propostas de sanción á autoridade competente. Tamén recuperaron varios obxectos extraviados, como chaves de vehículos e teléfonos móbiles. Ademais rexistraron 5 infraccións administrativas da lei de benestar animal ou 6 de seguridade cidadá.