Haydn, Mozart e Chopin soarán en Santa Emilia, en Mondoñedo, con Juan Rezzuto ao piano
MONDOÑEDO
Ofrecerá un concerto o 4 de maio no centro cultural mindoniense que mantén unha axenda cultural estable, cunha cita por mes, e que recibirá tamén ao Trío Acacia
17 abr 2024 . Actualizado á 22:22 h.A axenda do Centro Cultural Santa Emilia en Mondoñedo continuará cun pequeno cambio na programación en abril pois a cita prevista para este mes trasládase ao 4 de maio. Trátase do recital de piano que ofrecerá Juan Rezzuto, pianista e fundador do centro mindoniense, cun repertorio formado por pezas musicais de Haydn, Mozart e Chopin. Será ás 20.00 e, como é habitual, tras o concerto haberá un ágape para todos os asistentes. As entradas xa poden adquirirse, vía WhatsApp ou telefónica no número 644 694 280, páxina web https://santaemilia.es/producto/noche-de-cultura-en-santa-emilia/.
O próximo mes, ademais, haberá outra convocatoria de perfil musical. Concretamente, o día 25, co Trío Acacia, de piano, violín e clarinete a través da música de cámara.