![](https://img.lavdg.com/sc/STW-s-8oUoX-2-p4l789CRUaDm0=/480x/2019/05/27/00121558976821805943172/Foto/XY28C8F4_19524.jpg)
A permanencia do Foz tamén está atada á fortuna dos representantes galegos que intentan coarse en Segunda División B. A derrota por 3-1 no campo do Noia condenou ao equipo de Gayol á décimo quinta praza, que lle arrastraría a Primeira Galicia porque agora mesmo baixarían sete equipos. O éxito do Celta B e o Racing de Ferrol esta fin de semana arranxaría a situación para os intereses mariñáns.
O filial olívico gañou 1-0 ao Alcoyano en Barreiro e viaxará a terras valencianas con vantaxe na promoción de permanencia. Na mesma situación esta o conxunto ferrolán, que se medirá ao Real Xaén tras batelo na ida (1-0) e coa posibilidade de celebrar xa o ascenso. De non darse estes supostos, os branquivermellos aínda poderán aferrarse ao avance do resto de representantes irmandiños na fase de ascenso. Necesitan que dous deles triunfen.