O tenente de alcaldesa e concelleiro de Xuventude e Educación, Mario Pillado, agradeceu a Nuno Pico «a súa disposición para impartir este obradoiro»
04 ene 2026 . Actualizado a las 11:41 h.O alumnado de produción musical impulsado polo Concello de Burela e impartido polo músico mariñao Nuno Pico, alma máter do proxecto Grande Amore, está a preparar un novo himno da vila.
A última sesión da actividade, o 30 de decembro, estivo centrada na creación da nova canción. Impulsa a actividade a Consellería de Xuventude do Concello de Burela, e desenvolveuse periodicamente na Casa da Xuventude do municipio. O tenente de alcaldesa e concelleiro de Xuventude e Educación, Mario Pillado, quixo agradecer a Pico «a súa disposición para impartir este obradoiro, que permite que a xente nova de Burela aprenda produción musical da man dun artista que percorre todos os festivais de Galicia e mesmo fóra das nosas fronteiras».
«Estamos convencidos de que a nova canción que teñen entre mans será un excelente himno para Burela e dará unha marabillosa experiencia á rapazada participante na actividade», agrega Pillado.