Un gol de Raúl Pita pouco despois do descanso condenou a un cadro mariñán con máis dificultades das habituais para xerar perigo
23 nov 2025 . Actualizado á 21:54 h.Oito xornadas despois, o Burela volveu tropezar en Preferente coa case impenetrable fortaleza dun Betanzos que lle iguala a 21 puntos para arrebatarlle o seu lugar no play off. Sen varias pezas claves, o cadro mariñán tivo máis problemas dos habituais para xerar oportunidades fronte a un rival que aproveitou xusto despois do descanso un cabezazo de Raúl Pita nun balón aéreo que Del Río gañou na área.
Os betanceiros conseguiron instalarse preto da área e levaron perigo en varias accións de estratexia, mentres que a mellor opción burelista estivo nunha segunda xogada dun córner que Huguito rematou moi alto.
Tras o gol, a escuadra verde deu un paso á fronte e soñou coa igualada nun zurdazo desviado de Jairo López e un cabezazo brando de Jairo Campo. Kiko Mariño mantivo a esperanza ante o final fronte a un rival perigosísimo ao contragolpe.
SD BURELA, 0: Kiko; Antón (Deonildo, min 74), Vila, Javi Celes, Penelo; Yago Ramos, Jairo López; David Ben, Huguito (Xoel Ferro, min 63), Diego Chao (Adri Kun, min 74); e Jairo Campo (Nore, min 85).
BETANZOS CF, 1: Jesús Jurado; Dolz, Laye, Pique (Martín Lago, min 80), Marcos Rodríguez; Manu Barbeito, Leira; André Poses (Javi Casanova, min 89), Ángel Casanova, Del Río (Álex Ares, min 80); e Raúl Pita (Jon Casal, min 70).
GOLES: 0-1, min 48: Raúl Pita.
ÁRBITRO: Méndez López (Lugo). Amoestou a Jairo López, David Ben, Leira, Del Río e André Poses.
INCIDENCIAS: Uns 300 afeccionados na Marosa.