O suceso ocorreu a primeira hora da mañá deste venres, sen danos persoais
22 ago 2025 . Actualizado á 14:00 h.Un camión ardeu por completo na Autovía do Cantábrico (A-8), á altura de Mondoñedo, na mañá deste venres.
O suceso ocorreu no fito quilométrico 539 da autovía, en sentido Lugo, sobre as 7.30 horas. Foi entón cando o Centro Integrado de Atención ás Emerxencias (CIAE) do 112 Galicia recibiu aviso do incidente.
O particular que chamou á central de emerxencias explicaba que saía fume da cabina do camión, que parecía estar a empezar a arder. Non houbo persoas feridas, só danos materiais.
Desprazáronse dous vehículos con catro bombeiros do parque de Barreiros, que finalmente lograron extinguir o lume. Ardeu a cabina e a parte traseira do camión.
Acudiron así mesmo ao momento Guardia Civil de Tráfico, Protección Civil de Mondoñedo e o Servizo de Mantemento de Estradas.