O exemplar pescouno o gañador da modalidade de rebaixa, Pablo González, nunha cita que reuniu a 20 pescadores que tiveron que facer fronte á crecida do caudal do río polas choivas
11 may 2025 . Actualizado á 14:02 h.Celebrouse en Alfoz o III Concurso de Pesca no río Ouro, resultando unha xornada óptima tanto a nivel de participación (20 persoas) como de capturas, sendo o mellor un exemplar de 52 centímetros que obtivo o gañador na modalidade de rebaixa, Pablo González. Alejandro Fernández triunfou na de mosca. Foi unha cita sen morte que reuniu os afeccionados á pesca sostible, «que tiveron que enfrontarse a condicións complicadas debido ao forte aumento do caudal do río, provocado polas choivas dos últimos días», segundo sinalaron nun comunicado.
«Tiveron que enfrontarse a condicións complicadas debido ao forte aumento do caudal do río, provocado polas choivas dos últimos días»
A cita estivo organizada pola Sociedade de Pesca Amigos do Ouro, coa colaboración dos concellos de Alfoz, O Valadouro e Foz máis Vicepresidencia da Deputación Provincial de Lugo. «Ao final conseguimos desfrutar dunha bonita experiencia», concluíu o presidente da entidade organizadora, Pablo González, engadindo que «é unha satisfacción ver como, ano tras ano, este concurso vai collendo forza e consolídase como unha cita obrigada para vos amantes dá pesca na Mariña». Agradeceu as colaboracións das administracións.