Manuel Expósito, de Viveiro, recibiu a medalla do prata ao mérito de Protección Civil de Galicia

Manuel Expósito, xefe de Protección Civil de Viveiro, recibiu onte na Estrada de mans do presidente da Xunta, Alfonso Rueda, a medalla de prata ao mérito de Protección Civil. Entre as persoas galardoadas este ano figuraron outros mariñáns: Rubén Estébanez, do colectivo viveirense, como integrante do continxente galego desprazado a Valencia para axudar durante a catástrofe da dana; María Dolores Martínez Orizales (O Vicedo) e Miguel Varela Penabad (Ourol) medalla de bronce pola súa entrega e María Jesús Rubal Oubiña (Mondoñedo), condecorada co distintivo de permanencia, así como Ramona Rodríguez, de Barreiros. O PSOE de Viveiro celebrou o premio á agrupación de Protección Civil viveirense, «que fai xustiza ao traballo constante, silencioso e imprescindible que realiza», lembrando que Viveiro estivo máis dun ano sen policía local.

---

---

---