Todo un sábado gastronómico «disfrutón» con recoiro, touciño entrefebrado, queimada e máis
A MARIÑA
Axenda completa coa Festa dá Ría en Ribadeo, a Panceparty en Foz e a noite das meigas en Cervo, onde xa houbo Mercado Tradicional pola mañá
23 ago 2025 . Actualizado á 19:32 h.O que ten o verán é que custa elixir. A medida que sobe o termómetro, ascende o volume de actividades. Agosto ofrece «resistencia» fronte á famosa volta ao cole con dúas fins de semana nos que aínda queda por facer... E gozar. Mentres falta por vir a axenda do último «finde», neste sábado gózase da Festa dá Ría en Ribadeo, con degustación de mexillóns e recoiro, da Panceparty en Foz que non é a festa do pan senón do touciño entrefebrado (sumando chourizos e lagostinos, como un mar e terra) e a Queimada Popular en Cervo que, como o seu nome ben indica, será para degustar queimada. Unha forma moi potente a cervense, que este ano lembra a Xosé Vizoso, de pechar a xornada gastronómica, sen dúbida, acompañada da súa correspondente «limpeza» de meigas e espíritos que dan «mal rolo». Aínda que antes houbo Mercado Tradicional, durante a mañá, na Praza do Souto.
Citas para este domingo
Para este domingo 24 de agosto están previstas as seguintes citas: en Burela concerto de Triquinosis (20.00, L'Urbana) e Festa Fin de Verán (mañá e tarde, Praza do Concello); en Ribadeo Domingueo con Charanga Bicoia (desde 12.30) e Mercado de Rúa; en Barreiros San Bartolo con misa e procesión (13.00), sesión vermú e verbena con Elebe e DJ D.F.M. e en Foz espectáculo de danza, ademais benéfico, de Uganda Sticks (20.00, Campo dá Cabana). Tampouco hai que esquecer A Feira do San Bartolo a partir das dez da mañá en San Isidoro de Monte en Xove con concurso gandeiro pola mañá e de marcha pola tarde, máis misa, sesión vermú e verbena na sobremesa.