Presentaron denuncia ante a Garda Civil
26 jun 2025 . Actualizado á 22:17 h.Autores descoñecidos forzaron a pasada noite as portas dun popular supermercado de Burela, pero estrañamente non levaron nada do interior. Hai denuncia ante a Garda Civil; o autor ou autores revolveron entre algúns produtos pero non se detectou que levasen nada.
Causaron danos na porta de acceso; a Garda Civil iniciará unha investigación para aclarar estes danos, xa que en principio non se pode falar de roubo. Os axentes xa se achegaron na xornada de onte ata o establecemento. Os autores chegaron a acceder ao interior, pero descoñécese a intención verdadeira da súa acción. A investigación policial está en marcha.