En Mondoñedo xa se venden os pratos exclusivos co escudo e o rosetón encargados a Sargadelos
A MARIÑA
O Concello contratou 900 unidades de cada peza
26 jun 2025 . Actualizado á 14:37 h.Se os Concellos de Ribadeo e de Cervo apostaron hai anos polo grupo Sargadelos para encargarlle novas placas das rúas do centro histórico ribadense e do rueiro de San Cibrao, Cervo, Río Covo e Lieiro, o Concello de Mondoñedo realizou á firma de cerámica un encargo pare elaborar dous modelos de pratos que nos últimos días puxéronse á venda na oficina de turismo e que tamén se ofrecerán como agasallo institucional. Así o indicaron fontes do Concello, precisando que se encargaron 900 unidades de cada peza, ambos os pratos de té.
Trátase de modelos de pratos exclusivos de Sargadelos, un co escudo de Mondoñedo e outro co rosetón da Catedral. Na oficina de turismo pódense adquirir ao prezo de 20 euros.
As mesmas fontes indican que estes pratos súmanse á réplica da Catedral de Mondoñedo, tamén de Sargadelos, que leva anos á venda e que é tamén empregada como agasallo institucional por parte do Concello mindoniense. Entre outros actos, a peza da catedral foi un dos agasallos do Concello cando foi ordenado o actual bispo de Mondoñedo-Ferrol, Fernando García Cadiñanos.
Estes pratos non son as únicas pezas con referencia a Mondoñedo obra da fábrica de cerámica con sede en Cervo. As San Lucas é unha figura de cabalos coa que a firma homenaxeou a unha das feiras tradicionais máis importantes de Galicia.