Ferida unha persoa ao chocar pola noite dous vehículos na N-642 en Cangas, en Foz
FOZ / LA VOZ
A MARIÑA
Un particular alertou ao servizo de emerxencias 112 do sinistro
14 abr 2025 . Actualizado á 17:09 h.Unha persoa resultou ferida nun choque entre dous vehículos ocorrido en Foz. Segundo información facilitada polo Centro Integrado de Atención ás Emerxencias (CIAE) 112 Galicia, un particular alertou do accidente, ocorrido ao redor das 22.25 horas da noite. Por causas que se descoñecen, a esa hora, dous automóbiles chocaron no punto quilométrico 4 da N-642, á altura de Cangas de Foz. Como consecuencia do impacto, unha das persoas que viaxaba nun dos turismos sufriu feridas. O 112 mobilizou ás urxencias sanitarias do 061, así como á Garda Civil de Tráfico.