Tes imaxes nalgún álbum da casa que queiras compartir? Ou tal vez fotografías na galería do móbil que non queres perder? Xa choveu quere recompilar a historia de Galicia creando esta memoria colectiva. Aquí resolvemos as túas dúbidas
17 jun 2024 . Actualizado á 11:03 h.O novo vertical de La Voz de Galicia, Xa choveu, nace para recompilar aquelas noticias que foron historia de Galicia, pero tamén as intrahistorias persoais dos galegos e galegas. Para iso, queremos escoitar as vosas historias e recuperar as vosas fotografías.
Neste portal poderedes atopar álbums con imaxes de distintos lugares, festas e acontecementos e facer as vosas propias buscas. Aquí atoparedes tamén as vosas imaxes despois dun período de revisión.
Como podo participar en Xa choveu?
O proceso é moi sinxelo:
1. Inicia sesión ou rexístrate como usuario de La Voz. Se aínda non o fixeches fai clic aquí. (Se navegas sen iniciar sesión podes recorrer a web mais non poderás enviar contidos).
2. A continuación deberás cubrir o formulario de envío:
a. Nun primeiro intre, pídense os datos da persoa que manda o material fotográfico.
b. A medida que engadas as imaxes dentro do formulario deberás aportar información de cada unha para que poidamos localizalas e xestionalas (autoría, localización...).
c. Le detidamente o cadriño final onde se especifican as regras de funcionamento e marca a xaneliña que di “Acepto as normas de participación”.
Toda esta información axúdanos a protexer os contidos, coidar os dereitos e crear un espazo responsable. Ademais, se navegas sempre iniciando sesión co usuario de La Voz, poderás comentar nas noticias e apuntarte ás nosas newsletters.
Por que teño que rexistrarme?
Poderás navegar pola web sen estar rexistrado, mais se o que queres é formar parte da memoria colectiva de Galicia e achegar as túas fotos e recordos persoais, deberás iniciar sesión como usuario de La Voz. Ademáis de enviar as túas fotos a este portal, poderás comentar nas noticias e incluso ter acceso a outros servizos do xornal como as newsletters. O rexistro é totalmente gratuíto. Fai clic aquí.