Este luns terá lugar ás 19.00 horas unha misa no tanatorio de Emorvisa, previa á incineración
16 jun 2025 . Actualizado á 13:54 h.O home 22 anos E.J.R.C., de Vigo, que perdeu a vida tras sufrir unha descarga eléctrica dun grupo electróxeno no interior dun muíño de vento nun parque eólico na localidade de Quintanilla Sobresierra, no municipio burgalés de Merindad de río Ubierna, mentres estaba de acampada, será despedido hoxe Vigo. Este luns terá lugar ás 19.00 horas unha misa no tanatorio de Emorvisa, previa á incineración.
Os feitos tiveron lugar sobre as 23.42 horas do pasado venres, cando a sala de operacións do 112 Castela e León recibiu unha chamada que solicitaba asistencia para un mozo e explicaba que formaba parte dun grupo de acampada e achábase no interior do muíño, cuxa porta, como consecuencia do incidente, quedara bloqueada e non se podía abrir.
O 112 deu aviso deste incidente aos Bombeiros de Burgos, á Garda Civil (COS) de Burgos e ao centro coordinador de urxencias (CCU) de Emerxencias Sanitarias - Sacyl, desde o que se enviou unha UVI móbil.
No lugar, e tras acceder ao interior do muíño, os organismos de emerxencias confirmaron o falecemento do mozo, que tiña 22 anos.