A xornada do domingo tivo que ser suspendida por mor da falta de vento para levar a cabo a proba
18 mares 2024 . Actualizado ás 17:07 h.O Club Náutico da Coruña organizou durante a fin de semana a XVI edición do Trofeo Grillón, proba pertencente ao campionato galego de Vela da categoría láser. Esta competición deu como resultado a vitoria do regatista Nicolás Domínguez (Naútico de Vigo) na categoría de ILCA 7. Por outra banda, Alejandra Peleteiro (Sanxenxo) e Tiago Veciño (Vigo) foron os grandes triunfadores da fin de semana en ILCA 6 e finalmente, Emma Chamorro (Canido) e Samuel Cerdeira (Alamar Sada) alzáronse co triunfo na categoría de ILCA 4.
Os campións galegos de vela da clase ILCA 4, 6 e 7 saíron dos resultados obtidos durante a primeira xornada disputada o sábado. A falta de vento e as complicacións no mar frustraron a xornada dominical na que non se puido celebrar ningunha manga.
En total participaron 80 persoas procedentes dos mellores clubs de vela de toda Galicia. Con estes resultados conformáronse os primeiros postos do ránking da tempada para o campionato autonómico.