A Gran Vía ao completo volveu alumarse o domingo, medio mes despois do acto oficial que puxo fin aos fastos lumínicos
30 ene 2024 . Actualizado ás 05:00 h.«Vigo, onde vive o Nadal» é un lema que empeza a parecer verdade. O Concello alonga todo o que pode as festas que no resto do planeta finalizan, como moito, a fin de semana de Reyes. Este ano, como os anteriores, durou unha semana máis, xustificándoo como unha licenza para contentar aos hostaleiros. Pero a pesar de que o apagado oficial tivo lugar o 14 de xaneiro, medio mes despois, en boa parte da cidade séguense acendendo as luces, como mostra a imaxe tomada na Gran Vía este domingo, 28 de xaneiro. Ademais, hai máis barrios de Vigo onde a iluminación do Nadal, á espera de ser retirada, segue alumando e ofrecendo unha estraña estampa de festa sen festa.