O pleno aprobará pedir melloras ao proxecto de reforma do Ministerio de Transportes
23 feb 2024 . Actualizado ás 05:00 h.O goberno municipal de Ponteareas levará ao próximo pleno do martes a aprobación de 15 alegacións ao proxecto de mellora da Nacional 120. Son obxeccións que o Concello acordou cos veciños afectados e que lle trasladará ao Goberno central. O obxectivo é protexer a comunicación do rural, evitar a demolición dunha casa habitada por unha familia e manter as paradas de autobuses, entre outras cuestións. Os veciños reclaman unha senda peonil por ambas as marxes da estrada.
As persoas afectadas solicitan que as melloras comecen na rotonda dos alfombristas e que contemple unha senda peonil por ambas as marxes. Isto permitiría ter unha conexión directa coa senda do Tea. Tamén s reclaman nas propostas a inclusión de pasarelas a ambos os dous lados do río Tea para que os veciños das dúas beiras non queden illados.
Outra das cuestións que preocupa é a eliminación de paradas de bus xunto á capela dos Remedios e en Areas, Arnoso e Xinzo.