O festival contempla outras tres actuacións
04 ago 2023 . Actualizado ás 05:00 h.O Pazo de Cea, no municipio de Nigrán, acolle hoxe a segunda xornada musical do verán con catro propostas diferentes. Desde as 18.00 horas e cunha entrada que custa 25 euros máis gastos de xestión poderase ver a actuación do vigués Miguel Costas e o seu amplo repertorio de máis de corenta anos sobre os escenarios de toda España. Xunto ao ex-fundador de Sinistro Total estará a a banda madrileña Non More Bullshit que se move entre o rock and roll, o soul e o rhythm and blues.
A terceira proposta musical dos organizadores da xornada é Brais Moran&Nasaufunk. Con máis de 20 anos de traxectoria profesional, ofrecen un espectáculo de disco funk que inclúe temas inéditos e repasa clásicos de etapas anteriores.
Finalmente está prevista a presenza de The Bigüis , que interpretan versións de temas de rock clásico e alternativos.