AporM considera que a proposta era un xeito encuberto de subirse o salario xa que «ía cobrar o mesmo que os seus antecesores, pero rebaixándose a dedicación ao 75%
30 nov 2024 . Actualizado á 03:18 h.A oposición frustrou unha proposta do alcalde popular de Mondariz, Pablo Barcia, que pretendía baixarse o soldo. A intención do rexedor municipal era tamén aprobar unha rebaixa da dedicación ao 75% no último pleno celebrado onte. Pablo Barcia, que goberna con tan só tres edís dunha corporación de oito, non puido sacar adiante a súa pretensión xa que só recibiu o respaldo do edil socialista.
Segundo as contas dos independentes AporM, que renunciaron ao goberno tras non conseguir sacar adiante os presupostos, «Pablo Barcia propuxo unha redución de 1.200 euros ao ano no salario, pero cunha redución na dedicación do 25%. É dicir, que tería a mesma retribución que os dous alcaldes anteriores, pero cunha dedicación parcial do 75%». A proposta, din, «era a de cobrar 33.571 euros e 11.122 de gastos de Seguridade Social». Tanto Calis Montes, de AporM, como Xosé Emilio Barros, do BNG, percibían cando ostentaban o cargo 34.771 máis 11.500 de Seguridade Social por unha dedicación exclusiva a tempo completo.
AporM alegou que o feito de compatibilizar o seu negocio coa dedicación a alcaldía non era o fíxomelles votar en contra da súa proposta nin molestarlle. «O que non pode ser é que se intente facer unha subida de soldo encuberta dun 29% baixo esa rebaixa na dedicación», sostén o portavoz do grupo independente, Calis Montes. «Se realmente se quere compatibilizar cunha dedicación do 75%, terá que ser do 75% sobre o salario que está aprobado, o que serían 26.078 euros máis 8.625 de Seguridade Social», afirman.
A proposta foi rexeitada na sesión por 7 votos en contra (cinco edís de AporM e dous do BNG) fronte a 4 a favor (tres do PP e un do PSOE).