Catro vehículos chocaron e taponaron a circulación en sentido Rande
14 mares 2024 . Actualizado ás 10:53 h.Dúas persoas feridas e problemas de tráfico foron as consecuencias dun accidente múltiple rexistrado esta mañá na autovía do Morrazo, segundo recolle o servizo de urxencias do 112. En total víronse implicados no sinistro catro vehículos. A circulación estivo complicada pola AG 4.6, á altura de Moaña .
O sinistro produciuse sobre as 7.00 cando dous vehículos chocaron no punto quilométrico seis, en sentido Rande. Uns minutos despois, outros dous coches chocaron cos anteriores e taponaron a circulación nese punto.
Dous dos ocupantes dos coches necesitaron asistencia e foron evacuados por unha ambulancia de Urxencias Sanitarias de Galicia-061.
O 112 pediu ademais a colaboración dos axentes da Garda Civil de Tráfico e da Policía Local, así como dos equipos de limpeza e mantemento da vía para recuperar as condicións de seguridade da vía.