A obra, de máis de dúas horas de duración, poderase ver mañá venres no auditorio municipal
25 ene 2024 . Actualizado ás 05:00 h.A Compaña Onbeat representará mañá, ás 21.30 horas no Auditorio municipal de Cangas, A Pantasma da ópera. Tributo musical. As entradas pódense adquirir na plataforma ataquilla.com a partir de 18 euros máis gastos de xestión.
Todo parte do ano 1986 cando se representou por primeira vez en Londres o musical A Pantasma da ópera estreouse en Londres en 1986, que dous anos despois chegaría a Broadway en 1988. En todo este tempo, logrou manterse en carteleira, sendo o segundo musical en número de espectadores, tras O Rey León. O musical baséase na novela homónima de 1908. En España, o musical estivo na Gran Vía de Madrid entre 2002 e 2004 e agora, vinte anos despois, a Compaña Onbeat fai unha adaptación do musical para convertelo nun tributo próximo a todos os públicos, onde a lírica se dá a man con outros estilos e onde o drama se mestura coa comedia.
Coa dirección, produción e autoría do guion de Antonio Martín Regueira e a coreografía de Fátima Radial, sobre o escenario de Cangas estarán Rodrigo Domínguez, como a Pantasma; Ana González, no papel de Cristine; Álvaro Karvac, encarnando a Raúl; e Elena Cencerrado no personaxe de Diva. Complétase o elenco cun corpo de baile composto por Sánchez, Marta Hernández, David Edo e Álvaro Alconchel.
Esta obra musical ten unha duración aproximada de 135 minutos e conta a historia dunha pantasma que, en realidade, foi un neno recuperado dun circo, criado e educado ás agachadas para non ser descuberto e que era un virtuoso da música. Unha vez creceu, namorouse de Cristine, cantante do coro da Ópera de París.