Unha testemuña viu en perigo ao bañista, de 20 anos, que sufriu hipotermia
04 jul 2025 . Actualizado á 16:39 h.Susto nas illas Cíes, en Vigo. Un helicóptero evacuou a un bañista de 20 anos que case afoga cando se daba un baño na praia e sufriu unha cambra, incidencia que lle impedía saír da auga. Unha testemuña viuno e deu a alarma.
Xa en terra, foi atendido rapidamente. Os socorristas do Concello de Vigo viron que o mozo tiña síntomas de hipotermia e estaba moi nervioso. Ao atendelo ben se tranquilizou e os sanitarios embarcárono nun helicóptero que o evacuou cara a un hospital de Vigo.
Atendérono socorristas do Concello de Vigo, persoal do Parque Nacional das Illas Atlánticas de Galicia e o equipo de enfermería do Parque NIAG. Toda a operación foi coordinada polo 112.