A interior arxentina súmase a Deva Bermejo e á renovación de Sara Vidal
27 jun 2025 . Actualizado á 11:38 h.O Celta de baloncesto feminino, que militará en Liga Challenge no curso 2025/2026, deu a coñecer na mañá deste venres á súa segundo reforzo para un proxecto enfocado a recuperar a categoría perdida hai unhas semanas. Trátase da interior arxentina Diana Cabrera, que se suma a Deva Bermejo, primeira fichaxe en anunciarse, e á renovación de Sara Vidal. O director deportivo do club, Carlos Colinas, xa avanzou a semana pasada que tiñan o persoal pechado á falta dunha única xogadora e que os nomes se irían anunciando de xeito graduado.
??????? | ????? ??????? ??
— CELTA BALONCESTO (@Celtabaloncesto) June 27, 2025
? Xerarquía e carácter para o noso xogo interior.
A interior arxentina incorpórase ao Celta Baloncesto tras o seu paso pola #LFChallenge con @FNBardoi e @cb_alqazeres, e de proclamarse campioa de Sudamérica con @cabboficial. ?? pic.twitter.com/nssryhyfiz
De Cabrera destacan desde o club «a súa xerarquía e carácter» para o xogo interior do equipo, lembrando que ten experiencia nunha categoría na que xogou con Ardoi e Ao-Qázeres, á parte de ser campioa de Sudamérica coa súa selección. «Unha xogadora con experiencia, presenza e mentalidade gañadora», recalcan sobre a segunda cara nova do cadro que dirixe Cristina Cantero.