O equipo vigués non tivo opcións ante o filial do conxunto verdibranco, que se impuxo 5-0 no global do cruzamento
18 may 2025 . Actualizado á 05:00 h.O soño do ascenso a Segunda Federación, que parecía afastado pero non imposible para o Sárdoma vigués, desvaneceuse pronto para o equipo que dirixe Toni Martínez. Porque despois de caer unha semana antes fronte ao Betis B por 0-2 no play off de ascenso, as branquiazuis, que tiñan en mente manter a portería a cero e buscar os goles que lle permitisen igualar o cruzamento, encaixaron ao cuarto de hora. E o obxectivo xa se puña a partir de aí practicamente imposible.
Co 0-1, anotado por Alba Rodao para as de José David Cotán, chegouse ao descanso e pouco despois dun dobre cambio local, Marina Sánchez sentenciaba o ascenso da verdibrancas co 0-2. Sen opcións reais xa para o conxunto vigués, buscaron as locais un gol da honra que tampouco chegou. E contra prognóstico, quedaba sen ver portería neste play off a xogadora con mellor media goleadora do fútbol feminino español esta tempada, Andrea Albiol. Si habería un terceiro tanto rival que, para rematar de furgar na ferida, marcaba en propia meta Aída Samper á falta dun cuarto de hora.
O Sárdoma pon fin cun sabor moi agre a unha tempada sobresaliente na que mantivo opcións de ascenso directo ata a última xornada e rematou a fase regular na terceira praza, por detrás dos equipos que conseguiron o ascenso directo no grupo 1, o Deportivo B e As Celtas. Remataron a liga con doce xornadas consecutivas puntuando, na maioría delas, sumando de tres, pero a derrota —coa de onte, dúas derrotas— chegoulles no momento máis inoportuno.
O equipo vigués, que hai tres tempadas xa militara en Segunda Federación, terá que volver pelexalo o ano que vén, cunha reestruturación da liga que atopou oposición en varios dos equipos galegos que militan nela. Toni Martínez, que comentaba a La Voz que pola súa banda, a continuidade no banco non dependería de conseguir ou non o ascenso, tamén comentaba que non tiña unha postura clara sobre unha reformulación á que lle vía proles e contras. Agardaba que a Terceira Federación non fose a categoría do Sárdoma no curso 2025/2026, pero finalmente, si repetirán na cuarta categoría do fútbol feminino español.
?
Olalla Vila, Eva Valverde, Nerea Alonso (Carla Fernández, min 69), Aída Semper, Judith Gallardo (Elisa Gonzalo, min 57), Andrea Albiol (Carla Carballo, min 77), Ronsel Castro, Luchi, María Rodríguez (Sabela Gómez, min 57), Ana Cheila, Sara Porto (Estefanía Garijo, min 77).
?
Ana Guerra, Alicia Muñoz, Ángela Cabezas, Fárima López (Marta Moreno, min 71), Marina Sánchez, Carla Santaliestra (Sina Muñoz, min 77), Carla Galán (Bárbara García, min 77), Alba Rodao (Ana González, min 71), Ada Trasfogueiro (Paula Vázquez, min 71), Lucía Bonilla, Blanca Muñoz.
GOLES: 0-1, min 16: Alba Rodao; 0-2, min 65: Marina Sánchez; 0-3, min 75: Aída Samper.
ÁRBITRO: Rubén Estremadura Hernández.