Cando foi arrestado ameazou de morte á súa parella
17 ago 2018 . Actualizado ás 16:14 h.Axentes da Policia Local de Vigo detiveron a un mozo de 23 anos por un presunto delito de violencia de xénero. R.B.T.M., de 23 anos de idade e natural de Portugal, chegou ao seu domicilio en Camiño Maceiras ás 8.45 horas en aparente estado de ebriedade, segundo fontes policiais. Alí produciuse unha discusión coa súa parella, que requiriu a presenza dunha patrulla de axente da policía local. Chegados ao lugar, os policías atopáronse a unha muller, que resultou ser a presunta vítima. Esta, de 25 anos de idade, manifestou que o seu compañeiro chegara a casa en estado ebrio e que discutiran. Engadiu que el a agarrou do pelo, empurrándoa contra o berce onde se atopaba o fillo de ambos, de poucos meses de idade.
Segundo informou a policía, seguindo o relato da muller, non era a primeira vez que sucedía o feito, tendo estado o home baixo unha orde de afastamento que finalizou fai algúns meses. A muller non presentaba en aparencia lesiones, pero atopábase moi nerviosa, manifestando a súa intención de denunciar o suceso.
O presunto agresor presentaba síntomas de ter inxerido bebidas alcohólicas en doses excesivas e cando os policías procedían á súa detención, ameazou de morte á súa parella.