Coincidindo coa reunión de Almunia co goberno sobre o tax lease os traballadores dos estaleiros protestan nas rúas como previa á manifestación desta tarde
11 jul 2013 . Actualizado á 15:29 h.O berro «Naval, solución» percorre esta mañá o centro de Vigo. As protestas dos estaleiros da cidade en defensa do sector coinciden coa reunión desta mañá entre Gobierno, sindicatos e membros do sector con Joaquín Almunia para buscar unha solución que evite a devolución das axudas europeas, tax lease.
Máis dun milleiro de persoas percorren as rúas da cidade en manifestación. Os persoais saíron dos seus respectivos estaleiros para atoparse pasadas as doce do mediodía no cruzamento de Colón, onde corearon distintas consignas contra Almunia e en demanda de traballo para, a continuación seguir xa unidos a marcha por todo o centro da cidade. Ao termo da mesma celebrarán unha asemblea ante a sede da Axencia Europea de Pesca.
Xa pola tarde, a partir das oito, a cidade converterase no epicentro de España na defensa da industria naval cunha manifestación que se prevé multitudinaria á que està convocada toda a cidadanía e á que confirmaron o seu apoio distintos colectivos económicos, sociais, culturais e deportivos, entre outros a hostalería e o comercio.
Antes de iniciarse a asemblea ante a sede da Axencia Europea de Pesca os manifestantes accederon ao balcón do primeiro piso do edificio para colocar no mastro unha bandeira negra con oito estrelas, unha por cada estaleiro da ría, rodeando a inagen dr un barco. Colgaron tamén unha pancarta coa lenda «Europa escoita naval en loita».