Grazas ao seu triplete ante o Mirandés relaciónase con dianteiros das grandes ligas europeas no coñecido videoxogo
17 sep 2025 . Actualizado á 20:24 h.A actuación de Zakaria Eddahchouri ante o Mirandés non pasou desapercibida. O dianteiro neerlandés saíu desde o banco e abondáronlle menos de 20 minutos para marcharse de Mendizorroza cun triplete que valeu para culminar a vitoria do Dépor.
Precisamente esta exhibición levou a Zaka a formar do primeiro equipo da semana do FC26. O Team of the Week premia aos xogadores máis destacados da última xornada e, entre os elixidos, ademais do ariete deportivista, figuran futbolistas das grandes ligas europeas. É o caso de Erling Haaland, do City; Luka Modric, do Milan; ou Harry Kane, do Bayer de Múnic.
Eddahchouri, que recalou a pasada tempada no Deportivo, foi un dos nomes propios da pretemporada ao converterse no máximo goleador do equipo. Agora, co curso oficial xa en marcha, o neerlandés figura como o terceiro xogador que máis tantos marcou desde o inicio de Liga: un ao Selecta e tres ao Mirandés. Zaka agarda ao Huesca.