Os persoais do Deportivo, Dépor Abanca e Leyma participan nunha charla na sede de Inditex
TORRE DE MARATHÓN
![](https://img.lavdg.com/sc/1-zeBKqtzrpVvn8iFM_96W3KZVw=/480x/2024/05/21/00121716328741788983219/Foto/luuu.jpg)
Membros dos equipos dos tres ascensos coruñeses compartiron as súas experiencias co persoal da multinacional en Arteixo
22 may 2024 . Actualizado ás 22:27 h.O deporte coruñés viviu nas últimas semanas tres ascensos. Para que compartisen as experiencias dos seus éxitos recentes, Inditex convocou onte a representantes dos persoais do Deportivo, o Dépor Abanca e o Leyma nun auditorio da súa sede de Arteixo abarrotado por 500 persoas, entre as que se atopaba a presidenta da compaña, Marta Ortega. O conselleiro delegado, Óscar García Maceiras, abriu un acto titulado O valor do equipo, pensado para empregados da multinacional, e no que participaron os tres adestradores dos equipos, Imanol Idiakez, Diego Epifanio e Irene Ferrreras, así como os xogadores Lucas Pérez, Raquel García e Álex Hernández.
Durante unha hora comentaron as claves do traballo en equipo e a superación, e como conseguir desafíos no mundo do deporte. Ideas tamén extrapolables á empresa.