Coñezo a Vítor porque fomos compañeiros no Paços de Ferreira, onde era unha xogador clave para nós. Moi bo futbolista de mediocampo, é máis un 8, un interior, que un 5, o clásico mediocentro, ou un mediapunta. Era capaz de filtrar bos balóns á área e tecnicamente estaba por amais da media. No Reus vino ben nas últimas tempadas, chegou en Segundo B e adaptouse ben á categoría ata subir e demostrar que tamén é un capaz de marcar diferenzas en Segundo, con bastante calidade. É certo que sufriu problemas físicos e que estivo tempo parado, pero se está ben, pódelle dar moito fútbol ao Dépor. Pode chegar á portería contraria e ten remate, pero a súa especialidade é máis o último pase. Gústalle manexar o ritmo do partido e ten personalidade. Se fisicamente está ben, ofrece un gran rendemento co balón.
Respecto ao que Natxo González tiña no persoal, paréceme un xogador distinto. Non ten outro igual. Parécese a Carles Gil, porque tamén é de manexar a pelota e de filtrar pases que deixan ao dianteiro só, e é certo que neses aspectos son semellantes, pero Vítor paréceme máis constante, insisto, se está fisicamente ben.
A dificultade que haberá de superar será o estado físico, porque é certo que nos últimos tempos no Reus non puido xogar por culpa do xogo limpo financeiro. Haberá que ver como responde despois desa inactividade, pero domina a categoría, comprende que é de forza e contacto, así que sería lóxico que ao principio lle poida custar adaptarse a un ritmo alto como o do Dépor, pero o adestrador coñéceo e está preparado para superalo.
Para min, no meu equipo, sempre sería unha opción. Non só polo seu talento e capacidade, senón porque se trata dun bo mozo, un xogador moi tranquilo e con moito respecto por todos. Estou seguro de que se finalmente ten a oportunidade, vai estar moi a gusto na Coruña, unha cidade marabillosa e cunha afección que sabe apreciar este tipo de xogadores.