As cámaras captaron unha agre discusión entre o dianteiro que volverá ao Dépor e o seu adestrador
14 may 2017 . Actualizado á 19:21 h.Oriol Riera non puido gozar da vitoria que Osasuna regalou á súa afección ante o Granada (2-1). No duelo entre os dous equipos xa descendidos a Segundo, o último partido dos rojillos esta tempada no Sadar, o dianteiro catalán que pertence ao Deportivo protagonizou unha agre discusión co seu adestrador, Pedja Vasiljevic, no tramo final do partido.
As cámaras da televisión que retransmisió o Osasuna-Deportivo captaron a escena. Oriol reprochou con vehemencia a Vasiljevic que non lle deixase disputar os últimos minutos do encontro, para poder despedirse da afección rojilla, que idolatra a Riera desde a súa anterior etapa no club. No minuto 70, o adestrador serbio deu entrada a un dobre cambio e esgotou substitucións , e a Oriol Riera non lle sentou nada ben.
«Estamos a mil por hora e hai un presión tremenda. Foi unha discusión pequena. Non lle dou importancia. Estás fodido porque as cámaras te pillan por todos sitios. Son momentos de alta tensión», indicou Vasiljevic en sala de prensa, mentres que Oriol Riera optou por non facer declaracións.
O dianteiro catalán acaba o seu contrato de cesión con Osasuna, ao que chegou tras facer un grande esforzo para reducir a súa ficha. Agora, regresará ao Dépor, onde non contou para Garitano ao arranque de tempada e xa non fora importante para Víctor Sánchez do Amo na campaña anterior. En Osasuna, Riera disputou 21 partidos de Liga, con 4 goles e unha asistencia.