O holandés completou o seu mellor partido na súa estrea como titular
07 may 2017 . Actualizado ás 22:54 h.Onda John callou o seu mellor partido co Deportivo na súa primeira titularidade, converténdose no último xogador de campo do persoal que quedaba por saír de inicio nun partido de Liga . O holandés foi de menos a máis e foi desequilibrante en varias fases do encontro ante o Espanyol, e sumou a súa primeira asistencia de gol na xogada do 1-2, que anotou Andone, un highlight de verdade que engadir ao seu famoso vídeo en redes sociais.
Onda manifestouse convencido de que o Deportivo acabará sumando os puntos que necesita para salvarse. «Non estou preocupado, confío neste equipo, quedan dous partidos e segue sendo cuestión de nós salvarnos».
E tamén falou do cambio entre a primeira e a segunda parte: «Ao principio xogamos moi defensivo, pero logo o míster cambiou a Çolak de posición e puidemos atacar mellor, con máis espazos polo medio e puidemos atacar polas bandas».