![](https://img.lavdg.com/sc/jnPAIBaC6iL9i5yUo3egKPyFmdQ=/480x/2015/04/11/00121428756482537542780/Foto/.jpg)
Helder Costa e Borja López, únicos descartados por decisión técnica
11 abr 2015 . Actualizado á 18:30 h.Víctor Sánchez evitou mollarse demasiado na súa primeira convocatoria e optou por unha viaxe multitudinaria a San Sebastián. 20 xogadores figuran na lista ofrecida polo técnico, que aínda deberá facer un par de descartes antes do encontro fronte á Real Sociedade. Non estarán seguro nese duelo os tres futbolistas que continúan sen a alta médica. Wilk, que ten moi difícil recuperarse antes de que conclúa a tempada, Salomao e Postiga. Os dous portugueses xa se exercitaron estes días xunto ao grupo, pero non estarán dispoñibles para o técnico ata o próximo choque, fronte ao Atlético. A nómina de ausentes complétana o sancionado Luisinho e Borja López e Helder Costa, primeiras baixas por motivos técnicos baixo a dirección de Sánchez do Amo.