O primeiro equipo do Dépor chega ao tramo decisivo da liga con boa saúde
17 mar 2015 . Actualizado á 10:35 h.O primeiro equipo do Dépor chega ao tramo decisivo da liga con boa saúde. Tan só o dianteiro portugués Hélder Postiga, con tratamento médico e fisioterapia, está á marxe do grupo, despois de que Toché recibise a alta médica o pasado sábado. O equipo retoma os adestramentos no día de hoxe tras o descanso da fin de semana. A sesión será ás once na cidade deportiva de Abegondo.
O club anuncia que o plan de adestramentos semanal, sempre susceptible de sufrir variacións por decisións técnicas, proseguirá mañá ás once, tamén en Abegondo; o xoves e o venres, ás doce no estadio municipal de Riazor, ambos a porta pechada; e o sábado ás once en Abegondo.
O encontro é o domingo ás doce contra o Espanyol.